Surah Ar-Rum

 بِسْمِ اللّٰهِ الرَّحْمٰنِ الرَّحِيْمِ 

શરૂ અલ્લાહના નામથી જે અત્યંત કૃપાળુ અને દયાળુ છે

الٓمّٓۚ (1)

(૧) અલિફ. લામ. મીમ.

غُلِبَتِ الرُّوْمُۙ (2)

(૨) રોમન પરાજિત થઈ ગયા.

فِیْۤ اَدْنَى الْاَرْضِ وَ هُمْ مِّنْۢ بَعْدِ غَلَبِهِمْ سَیَغْلِبُوْنَۙ (3)

(૩) નજીકની ધરતી પર અને તેઓ પરાજિત થયા પછી નજીકના ભવિષ્યમાં વિજયી થઈ જશે.

فِیْ بِضْعِ سِنِیْنَ { ؕ ٥}  لِلّٰهِ الْاَمْرُ مِنْ قَبْلُ وَ مِنْۢ بَعْدُ ؕ  وَ یَوْمَئِذٍ یَّفْرَحُ الْمُؤْمِنُوْنَۙ (4)

(૪) થોડા જ વર્ષોમાં, આના પહેલા અને આના પછી પણ અલ્લાહનો જ અધિકાર છે, અને તે દિવસે મુસલમાનો રાજી હશે.

بِنَصْرِ اللّٰهِ ؕ  یَنْصُرُ مَنْ یَّشَآءُ ؕ  وَ هُوَ الْعَزِیْزُ الرَّحِیْمُۙ (5)

(૫) અલ્લાહ (તઆલા)ની મદદથી, તે જેની ચાહે છે મદદ કરે છે અને તે જ પ્રભુત્વશાળી અને દયાળુ છે.

وَعْدَ اللّٰهِ ؕ  لَا یُخْلِفُ اللّٰهُ وَعْدَهٗ وَ لٰكِنَّ اَكْثَرَ النَّاسِ لَا یَعْلَمُوْنَ (6)

(૬) અલ્લાહનો વાયદો છે, અલ્લાહ (તઆલા) પોતાના વાયદાનો ભંગ કરતો નથી, પરંતુ ઘણાખરાં લોકો જાણતા નથી.

یَعْلَمُوْنَ ظَاهِرًا مِّنَ الْحَیٰوةِ الدُّنْیَا ۖۚ  وَ هُمْ عَنِ الْاٰخِرَةِ هُمْ غٰفِلُوْنَ (7)

(૭) લોકો તો (ફક્ત) દુનિયાની જિંદગીના બાહ્ય સ્વરૂપને જાણે છે અને આખિરતથી તો બિલકુલ બેખબર છે.

اَوَ لَمْ یَتَفَكَّرُوْا فِیْۤ اَنْفُسِهِمْ {قف} مَا خَلَقَ اللّٰهُ السَّمٰوٰتِ وَ الْاَرْضَ وَ مَا بَیْنَهُمَاۤ اِلَّا بِالْحَقِّ وَ اَجَلٍ مُّسَمًّى ؕ  وَ اِنَّ كَثِیْرًا مِّنَ النَّاسِ بِلِقَآئِ رَبِّهِمْ لَكٰفِرُوْنَ (8)

(૮) શું તે લોકોએ પોતાના મનમાં એ વિચાર નથી કર્યો કે અલ્લાહ (તઆલા) એ આકાશો અને ધરતી અને તેમના વચ્ચે જે કંઈ છે તે બધાને બહેતર અનુમાનથી નિશ્ચિત સમય માટે જ પેદા કર્યા છે ? હાં, પરંતુ મોટાભાગના લોકો પોતાના રબની મુલાકાતનો ઈન્કાર કરે છે.

اَوَ لَمْ یَسِیْرُوْا فِی الْاَرْضِ فَیَنْظُرُوْا كَیْفَ كَانَ عَاقِبَةُ الَّذِیْنَ مِنْ قَبْلِهِمْ ؕ  كَانُوْۤا اَشَدَّ مِنْهُمْ قُوَّةً وَّ اَثَارُوا الْاَرْضَ وَ عَمَرُوْهَاۤ اَكْثَرَ مِمَّا عَمَرُوْهَا وَ جَآءَتْهُمْ رُسُلُهُمْ بِالْبَیِّنٰتِ ؕ  فَمَا كَانَ اللّٰهُ لِیَظْلِمَهُمْ وَ لٰكِنْ كَانُوْۤا اَنْفُسَهُمْ یَظْلِمُوْنَؕ (9)

(૯) શું તેમણે ધરતી પર હરીફરીને નથી જોયું કે તેમનાથી પહેલાના લોકોનું પરિણામ કેવું આવ્યું ? તેઓ તેમનાથી વધારે શક્તિશાળી હતા, અને તેમણે પણ ધરતી પર ખેતીવાડી કરી હતી અને તેમનાથી વધારે વસ્તી આબાદ કરી હતી. તેમના પાસે તેમના રસૂલ ચમત્કાર લઈને આવ્યા હતા, એ તો અશક્ય હતું કે અલ્લાહ તેમના ઉપર જુલમ કરતો, પરંતુ (હકીકતમાં) તેઓ પોતે જ પોતાના ઉપર જુલમ કરતા હતા.

ثُمَّ كَانَ عَاقِبَةَ الَّذِیْنَ اَسَآءُوا السُّوْٓاٰۤى اَنْ كَذَّبُوْا بِاٰیٰتِ اللّٰهِ وَ كَانُوْا بِهَا یَسْتَهْزِءُوْنَ ۧ (10)

(૧૦) છેવટે બૂરા લોકોનો અંજામ પણ બૂરો આવ્યો, કેમ કે તેઓ અલ્લાહની આયતોને ખોટી ઠેરવતા હતા અને તેનો મજાક ઉડાવતા હતા. (ع-૧)